أضف تعليق

سقف الوطن تحت الحزام

طرحت على مدى اليومين تلاتة اللي راحو استفسارات بريئة عن تصريحات المواطن رامي مخلوف لصحيفة نيويورك تايمز، أسئلة ظنيت إني كنت عم أطرحها تحت سقف الوطن. على النحو التالي:

الجمعة:

هل تندرج تصريحات المواطن رامي مخلوف ضمن نطاق الاتصال والتخابر مع أجهزة إعلام خارجية؟

أم تراه ظنّ أن نيويورك تايمز تصدر عن دار الوحدة؟

السبت:

على اعتبار إنو قنواتنا التلفزيونية عم تنفي إنو تصريحات المواطن رامي مخلوف بتعبّر عن رأي القيادة السورية.. فهل معناتا إن هالقنوات عم تعتبر تصريحات المواطن المذكور أعلاه تصريحات مشينة؟

الأحد:

هل يعتبر التعرّض للمواطن رامي مخلوف وتصريحاته نوعاً من التعرّض لرموز الدولة؟

سؤالي جدي.. لأنني سمعت خالد العبود يقول إن رامي مخلوف قامة من قامات هذا الوطن.

 

والحقيقة إنو ما “خلصت” أسئلتي..

 

ناس بعتولي كلمات ملخصها إني جحش لأنو ما قفشت المؤامرة، وغبي لأنني ما حسيت إني بيدق في المشروع الخارجي للنيل من المواقف القومية لسوريا.

وناس حذفوني من صداقتهم، وناس مدري شو.

اللي جاوبوني عالفيسبوك كم واحد، بس الأجوبة اللي وصلتني على الخاص والإيميل طلعت أكتر بكتير!

 

صديقة علّقت وقالت: انت شو ماحكيت مسموع ياصديقي.

جاوبتها: لا ياصديقتي.. المشكلة إنو عم يسمعوا شو ما حكيت وشو “ما” حكيت.. فعالقليلة ينورونا ويفهمونا شو نحكي.. مشينة ولا ما مشينة… يعني إذا طلب مني تلفزيون الدنيا رأيي بالموضوع شو قول؟

قالتلي: هنن بس يطلبوا رأيك بعلموك شو تقول!!! لحالهن يعني مابتكون غير رضيان!

 

عن جد ما “خلصت” أسئلتي.. بس خلّصتها.. لأنو كتيرين بعتولي وقالولي إنو كلامك مانو تحت سقف الوطن.. وإنت عم تضرب تحت الحزام.

وكأني فهمت منهم إنو سقف الوطن أوطى من تحت الحزام بكتير؟؟ العمش. طيب كيف عم يوسعوا هالقامات؟

 

ياجماعة.. يا جماعة عم أستفسر بس مشان أعرف شو أعمل.. اللي كتبتو عبارة عن أسئلة واستفسارات بريئة.. مو مواقف والعياذ بالله.. لأنو عالحكي اللي وصلني، وعيت اليوم الصبح وحسيت حالي بآرائي متلي متل خالد العبود: مااااااااااااااااااع.

Advertisements

يرجى تسجيل تعليقك..

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: