أضف تعليق

هلع

ترى عن جد يمكن ما عم يصدقونا..

إذا فيه شخصين مارين بالشارع، وفيه سيارة، وصادف إنو اصطدمت السيارة بالحيط، فالخبر الأول بيعتبروه “إصابة شخصين بالهلع جرّاء حادث مروري، أحدهما في حالة حرجة”.

فبربكم بربكم: كيف بدهم يصدقوا إنو شهيد انفتحت جمجمتو البارحة برصاصة قناص، وهو عم يودّع أبوه الشهيد اللي مات ببرميل تي.إن.تي، واليوم بيطلع ابن خالتو عالفيسبوك وبيحكي نكتة عن المنحكبجية، أو بيقول إنو مشتهي على أكلة  كبّة بسفرجلية عالعيد؟

وحياتك إذا كانوا شايفين الفيديوهات بعيونهم ما راح يصدقوا. ابلعلهم ورق المصحف ما راح يصدقوا. يا سيدي إذا كانوا ساكنين ببيت الشهيد ما راح يصدقوا.

إنّو كيف يعني ما عم يصاب أخوه بالهلع عالقليلة؟ خيّو بلا هلع. برعبة؟

كيف بدك تشرحلهم إنو فيه شي عم يداوي الهلع أولاً بأولا.. شي صاير متل غرفة عناية مشددة عم تداوي مباشرة؟

تعا لشوف اشرحلهم إنو شعب أول مرة عم يشعر بكرامة. وإنو لأول مرة عم يشعر بحريتو.. عم يموت وهو حر. بدون تصريح من المختار وبدون موافقة شعبة أمن الموتى. ووقت اللي بتصير الكرامة عند الناس، بتصير هي المرهم اللي بيداووا فيه جروحاتهم.

نحنا يا جماعة شعب ما عم يحس بالهلع، لأنو شعب ما بيعرفو. مو للهلع بس. ما بيعرف أي حس أو شعور. سحبوا مننا الشعور والحس عشرات السنين. وقررنا أول شي نشعر فيه اليوم هو الكرامة.

حَبكم تصدقوا إنو عم يدبحنا نحنا السوريين العلمانيين حتى بتديّننا أهلا وسهلاً.. ما حبكم، إي بالناقص منكم، ودرب الصد مارد. وإجري فيكم وبعلمانيتكم ويساريتكم.

قال هلع قال..

Advertisements

يرجى تسجيل تعليقك..

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: